د فاوا پارک او د تاجکستان د خاراګ ایالتی پوهنتون ترمنځ د دوه اړخیزو همکاریو زمینه و ارزول شوه

د غونډې په پیل کې د فاوا پارک د مخابراتو او نړیوالو چارو مشاور ډاکټر عباس قنبري باغستان په غونډه کې حاضرو غړو ته د ښه راغلاست په ترڅ کې فاوا پارک معرفی کړ او ویې ویل: فاوا پارک په 1396 کال کې د معلوماتي او مخابراتو ټکنالوژۍ وزارت په چوکاټ کې د یوه ملي پارک په توګه تاسیس شو. د دې پارک اصلي موخه د ټکنالوژۍ شرکتونو او د ICT په برخه کې فعالې سوداګرۍ ملاتړ کول دي. د نړیوال کیدو په موخه ، فاوا پارک په تیرو څو کلونو کې د افریقایي هیوادونو لکه(تونس، نایجیریا، مالي، سینیګال، الجزایر او نور) او اسیایي هیوادونو لکه سوریه، افغانستان او روسیې سره اغیزمنې اړیکې جوړې کړې، چې ځینې یې د تړون د لاسلیک کولو لامل شوي دي.

د فاوا پارک د مخابراتو او نړیوالو چارو مشاور دوام ورکړ: اوس مهال، فاوا پارک په ایران کې درې فعالې څانګې لري. په البرز سایټ کې 72 شرکتونه شتون لري چې د پارک اصلي څانګه ده، 17 شرکتونه په مشهد سایټ کې او 1 شرکت په سمنان سایټ کې شتون لري. پر دې سربیره فاوا پارک د ایران په نورو ولایتونو کې هم خپلې څانګې جوړوي.

د دې غونډې په دوام کې د دغه پوهنتون د نړیوالو اړیکو مرستیالې میرمنې افسانه محمد ایازوا په دې غونډه کې د حاضرو همکارانو د معرفي کولو په ترڅ کې د خاراګ پوهنتون او فاوا پارک ترمنځ د اړیکو ټینګول مهم وګڼل او ویې ویل: خاراګ د بدخشان په خود مختاره ولایت کې لومړنی پوهنتون دی چې د خپل تاسیس راهیسې یې ارزښتناک ملي او نړیوال خدمتونه وړاندې کړي او ګڼ شمېر کارپوهان او پوهان یې فارغ کړي دي.

دا پوهنتون اوس مهال ۸ پوهنځي او ۱۹ ښوونیز ګروپونه او څه باندې ۴۰۰۰ محصلین لري. د خاراګ پوهنتون او د تاجکستان ټول هیواد د معلوماتي او مخابراتو ټکنالوژۍ پراختیا ته اړتیا لري او له همدې امله موږ د فاوا پارک سره د دوه اړخیزو همکاریو لپاره خپل چمتووالی اعلانوو.

دغه راز مېرمن محمد ایازوا د دغه پوهنتون د اسانتیاوو، ګرنټونو، تکنالوژۍ او نوښت مرکزونو په اړه وویل: د خاراګ پوهنتون او په ځانګړې توګه د نوښت مرکز د نړیوال بانک او د تاجکستان د علومو او تحصیلاتو وزارت له خوا حمایه کیږي او د نویو کاروبارونو د پیلولو په برخه کې د محصلینو نوي نظریات د دې بنسټونو له خوا ملاتړ کیږي.

دغه راز ډاکتر قنبري باغستان د خاراګ پوهنتون د نوښت مرکز اهميت ته په اشارې سره وويل: دغه مرکز کولاى شي د دواړو خواوو ترمنځ د همکاريو د انګيزې مرکز وي، که چیرې د خاراګ پوهنتون نوښت مرکز داسې نظر ولري چې په راتلونکي کې په یو محصول بدل شي، دا شونې ده چې فاوا پارک به یې ملاتړ وکړي.

د غونډې په پای کې پرېکړه وشوه چې د دغه پوهنتون د نوښت مرکز به د ICT په برخه کې خپل نوي نظریات له فاوا پارک سره شریک کړي او په دې توګه به په تاجکستان کې د فاوا پارک د غړو شرکتونو د محصولاتو د خرڅلاو ساحې هم وڅېړل شي.

د يادونې وړ ده، چې په دې غونډه کې د خاراګ پوهنتون د نړيوالو چارو مرستيالې میرمنې افسانه محمدایازوا، میرمنې لولا گولامادشووا، د خاراګ پوهنتون د پوهنې په برخه کې د نړیوالو پروژو مشره؛ میرمنې ماردونوا توجی، په خاراګ پوهنتون کې د پوهنې په برخه کې د نړیوالو پروژو متخصصه؛ د فاوا پارک د مخابراتو او نړیوالو چارو مشاور ډاکټر عباس قنبري باغستان؛ د عامه اړیکو او نړیوالو چارو کارپوهه میرمنې مینا راستي او د فاوا پارک د نړیوالو چارو کارپوهه میرمنې شیوا فرضی هم شتون درلود.